ازاى تعرفى ان شعرك مقصف وما هى الاشياء التى تطول الشعر ؟؟خبرات البنات وخصوصا مع ماجيك اويل

الأربعاء، 13 أكتوبر 2010

ازاى تعرفى ان شعرك مقصف وما هى الاشياء التى تطول الشعر ؟؟خبرات البنات وخصوصا مع ماجيك اويل



هتعرفي ازاي اذا كان شعرك مقصف ولا لا؟؟؟؟

تمسكي شعرك من تحت لو لقيتي شعر مقسوم اتنين او اكتر يبقى مقصف

لو ملقتيش كده؟

امسكي شعرة واحده من جذورها لاطرافها وحسسي عيها بين صوابعك لو لقيتي فوق اتعم من تحت يبقى مقصف



99% مننا شعرهم هيطلع مقصف



نعمل ايه؟؟

اول حاجه نتجنب الاسباب



تاني حاجه المقص طبعا عند الكوافير او في البيت المهم فوق التقصيف ب 1 سم وتقصي

لازم لازم لازم ليه؟؟




لان التقصيف بيزحف لاخر الشعرة وهيبوظها يعني هيبوظها يبقى لازم نقصه



علشان تحافظ على بقيته



الموضوع مش انه يطول بسرعه لا يطول بصحه
وديه تجارب البنات من خلال الخبره وخصوصا مع زيت ماجيك اويل Magic oil

ـــــــــــــــــــــــ



لوسيون(ماجيك اويل)





Magic oil



 
اولا الملمس بتاعه

ملمس الاويل فعلا



شبه ملمس السيروم بس علي خفيف



يعني ولا دهني اوي ولا جاف اوي



هو زيتي شويه ومش اوي علشان اصحاب الشعر الدهني لو سئلوني



اول لما بتفتحي العبوه بتشيلي الغطا وتحطي الغطا اللي شبه القطاره



ومنه بتقدري تمشي اللسيون علي كل فروه شعرك



وبعد ما بخلص علي الفروه مع عمل المساج



باخد في ايدي حاجه بسيطه وادهن شعري كله بالاطراف

عاوزه اقولك ان لو حطيتي ايدك علي شعرك بعدها



هتلاقي ايدك بتمشي لوحدها من النعومه



بالظبط فالاستخدام ملمسه ناعم جدا



بتلاقي الشعر ناعم وطري جدا



والجميل فيه الملمس الزيتي الخفيف



لان بقيه اللسيونات ملمسها جاف جدا بينشف الشعر

يعني مميزاته
بينعم ويطري ويعالج كمان
بجد تحفه
واللي عاوزه تجرب ممكن تبدء بالصغيره دي ب 15 جنيه فى مصر
 
ـــــــــــــــــــــــــــــــــــــــــــــــ
 تجربه اخرى
اشترى من الصيدليه زيت اسمه ماجيك اويل يعنى الزيت السحرى وهو فعلا سحرى فى مفعوله حطى منه لبنتك صباحا ومساء وجبى (دورين )للشعر من الصيدليه بردوا ودلكى فروة الرأس بالدورين وبعده ادهنى الزيت الموضوع ده الصبح وبالليل هتلاقى شعر بنتك بقى حاجة تانيه انا شعرى مموج وبيهيش خاصة فى الصيف لما الدكتور كتبلى علىالدورين وزيت الماجيك اويل ده لاقيت شعرى ناعم زى الحرير حتى الموجة اللى فيه ناعمه وشكلها جذاب بصراحة كنت ببقى مستمتعة بشكل شعرى وخفته وجماله وجوزى كان بيعجبه شكل شعرى جربيه وابقى قولى لى جاب نتيجة مع بنتك ولا لأ وانشاء الله هتدعيلى
ــــــــــــــــــــــــــــــــــــــــــــــــــــ
تجربه اخرى

؟؟؟؟على فكرة الزيت ده(ماجيك اويل) كويس قوي واحده صاحبتي جوزها دكتور كان بيجيبهولها عشان شعرها خفيف وقالت لي عليه بس انا مهتمتش بس اختي جابته هي شعرها جميل بس خفيف لقيت شعرها مرة واحده تقل وباين عليه انه منفوش فمن ساعتها وانا بستعمله هو بجد حلو بس عايز مداومة في الاستعمال وانا بقيت الاقي شعر صغير منبت في فروة شعري والحمد لله بدأ يتقل وماما لحظت كده (عشان هي اللي بتحطوهولي لاتي مبعرفش احط لنفسي ههههههههه) بس مهم تدلكي فروة شعرك تقريبا 5 دقائق بعد ما تحطيه وتحطيه على الفروة بس وفيه معاه في العلبة غطا ليه راس رفيعة ده بيساعدك انك تحطي على الفروة من غير ما تغرقي الشعر.
ـــــــــــــــــــــــــــــــــــــــــــــــ
تجربه اخرى

وعاوزه اقولك انى لما بحطوا(ماجيك اويل) بيقعد على الاقل 3 ايام شعرى جميل وحلو ومحترم ولا يهيش ولا يحصلوا اى حاجه وبعد ال 3 ايام يبدا يقل المفعول

وطبعا انا زى ما قولتك مش مداومه عليه



ــــــــــــــــــــــــــــــــــــ
تجربه اخرى

بصى سعره (ماجيك اويل)15 جنيه والمفروض تداومى عليه لمده 3 او 4 شهور

وانا لسه جايباه وبجربه الدكتور كاتبهولى بس الحمد لله حاسه بتحسن فى شعرى



ـــــــــــــــــــــــــــــــــــــــــــــــــــــــــــــــ
تجربه اخرى

رحت لدكاترة تاني عشان موضوع الطول فكتبولي على علاجات كتير وانا فكرت انه افيد البنات اللي شعرهم مش بيطول بسرعة واكتب العلاجات اللي فعلا جابت نتيجة
لوسيون بانتكس



لوسيون روتاج



لوسيون دورين



ماجيك اويل



كلهم نفس طريقة الاستخدام يوضع قبل النوم مع مساج خفيف وغسيل الشعر مرتين في الاسبوع بشامبو يحتوي على البانثينول وانا استخدمت اتنين الاول شامبو لونا بالبانثينول



والتاني شامبو ايفا بالبانثينول
اللوسيونات طبعا لا تستخدم مع بعض يعني الدكتور كان بيكتبلي على حاجة واحدة بس وكل لما تخلص يكتب حاجة جديدة وكل واحد فيهم كان بيقعد معايا حوالي اسبوعين بس انا قلت اكتبلكم كل اللي جاب معايا نتيجة لان الدكتور كتبلي حاجات كتييييييييير اوي لاني استمريت معاه حوالي 6 شهور
والشعر لا يغسل بعدهم بل يغسل مرتين فقط في الاسبوع



اللوسيونات الدكتور عمره ما خلاني استخدم اي واحد فيهم اكتر من شهر وكان بيغير كل شهر

يعني كل واحد فيهم استخدمته حوالي شهر لوحده فقط مش مع بعض ابدا وشهر يعني حوالي علبتين
  كمان الدكتور قاللي كدة بس العلاجات دي حاجات مساعدة فقط يعني الدكتور قالي الاكل عليه 80% والعلاجات دي 20%بس
انا عن نفسي ارتحت اكتر حاجة مع بانتكس لانه لا يحتوي على اي زيوت وانا بكره الزيوت وعشان ارتحت  عليه ,بعد ما سبت الدكتور فضلت استخدمه يمكن 6 شهور انا استخدمت هير ستابيل اسبوعين بس فمقدرش احكم عليه بيطول ولان الدكتور كان كتبهولي اسبوعين بس
لكن معرفش ليه الدكتور كان بيغرلي العلاج كل شهر اكدب لو قلت اعرف السبب بس اكيد في سبب الدكتور عارفه



وانا اول واحدة كتبت اللي فعلا فرق في طول شعري



ــــــــــــــــــــــــــــــــــــــــــــــــــــــــــــــــــــــــــــ
تجربه اخرى

انا عملت رجيم ومأ لكوش شعرى تساقط ازاى المهم كشفت عند الدكتورة وكتبتلى على فيتامين ان رتش واسبراى اسمه هيرباتون وألتلى استعمله لمدة أربع شهور والحمد لله شعرى اتحسن كتير عليه يا رب أكون فدتكو وأسفة على الاطالة





ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تجربه اخرى

بصى أنا كنت بستعمل زيت الجوجوبا .. وده طلع شعر جديد وطول شعرى الحمد لله
ـــــــــــــــــــــــــــــــــــــــ



تجربه اخرى

انا استخدمت بانتكس قبل كده 3 شهور يعنى هو فرق شويه فى التساقط ومنع القشره ,,



وبستخدم حاليا لوسيون اسمه هيرستابيل وريحته حلوه اوى وبيمنع القشره والألتهابات



وكمان جبت تونك الفازلين للشعر





ـــــــــــــــــــــــــــــــــــ
تجربه اخرى

ابنات انا كنت عند دكتوره مشهوره جدا هنا فى المنصورة

عشان شعرى كان بينزل اوى ومش بيطول



كتبتلى على حقن نوعين يوم بعد يوم وكريم على شكل انبوبه زى المعجون كدا



صحيح غالى شويه بس بجد شفت الشعر الجديد من تانى والاماكن اللى فاضيه فيها نبتات صغيره



ربنا يطرح فيها البركه يارب بقا



الحقن اسمها بيوتين وبيبلاين(لاتأخذى اى علاج قبل استشارة الطبيب هام) 



والكريم اسمه كير مكس



وكان معاهم كبسولات هير اند نيل



ــــــــــــــــــــــــــــــــــــــــــــــــــــ
تجربه اخرى
كمان زيت جوز الهند بتاع حراز الهندي بيطول وبينعم تحفه تحفه و25 ج



ـــــــــــــــــــــــــــــــــــــــــــــــــــــــــــــــــــــ
تجربه اخرى

تونيك الفازلين هو مقوى للشعر ومقوى للجذر ,, انا كنت بستخدم الفازلين العادى للشعر(لأن الفازلين بيحمى من التقصف ويقوى الشعر ) بس مكنتش بعرف اوصل للجذور لكن تونيك الفازلين بيبقى مخفف وسهل انه يوصل للجذر بيقويه ,,

بصى انا لسه جايباه وبقالى حوالى 3 ايام بستعمله ولاحظت الأتى: بينعم الشعر ويخلى فيه لمعه وحطيت على الجذور كل يوم قبل ما انام كميه صغيره لاحظت فعلا انه خفف التساقط بنسبه كبيره وسعره 35 جنيه من العزبى
ـــــــــــــــــــــــــــــــــــــــــــــــــ
تجربه اخرى

وفي دكتور اعشاب كان في التليفزيون وقال نخاع الجمل لشعر الاطفال حلو اوي وبينعم الشعر
انا استعملت النخاع بس بتاع الكندوز او البقري حلو اوي



انتي قولي لجزار اللحم الجملي عايزه عظم ويكسره ليكي علشان تعرفي تطلعي النخاع منه وحطي عليه اي زيوت زي زيت زيتون وزيت جوزالهند وزيت جرجيروحطي تحتيهم حمام ماء ساخن علشان النخاع يسيح مع الزيوت وحطيه في علبه في الفريزر واستعمليه كل اسبوع طلعيه من الفريزر وخدي قطعه وسيحيها بحمام ماء ساخن بس اغسلي شعرها الاول وحطي النخاع وتلبس علي شعرها طاقيه الشعر البلاستيك وتغسله بعد ساعتين وحاولي تسرحيه براحه ولفيه طاقيه لو عرفتي علشان يتفرد



ان شاءالله تكون نتيجته جميله لان النخاع معايا نتيجته حلوه اوي
انا الصراحه اختى فعلا بتستعمل النخاع وماشاء الله عرفين شعر الهنود وما شاء الله طويل جدا

هناك تعليق واحد:

  1. فعلا اناا جربت النخاع للشعر وفعلا تحفه

    ردحذف