الأربعاء، 22 أغسطس، 2012

كير باى كير كريم تحفففففففففففففففففففففففففففففففه


كير باى كير,كريم كير باى كير ,كير باى كير للبشره الدهنيه,كريم يصلح للبشره الدهنيه

الكريم ده من كتر ما قريت التجارب معاه حبيته بجد قلوب 
الوظيفه:
1-مرطب وملطف للجلد ومضاد للعدوى   ومناسب لعلاج حروق الشمس

2- مضاد للالتهابات والحساسيه فى الاطفال ومع الحفاضات



السعر:15 جنيه

المكونات:-

1-زنك اوكسيد:-بيحمى من الاشعه فوق البنفسجيه "صن بلوك يعنى" و مهد ئ للبشره كمان ليه خواص مضاده للبكتريا
2-فازلين: بيحمى الجلد من فقدان رطوبته الطبيعيه(بيرطب)
3-تراىكلوسان:مضاد للبكتريا والفطريات(بيستخدم بدل الديودرانت تحت الابط  مفيش عرق خالص خاااااااالص )
4-زيت زيتون:مرطب ومضاد للحساسيه وبيحمى الجلد من اشعه الشمس الضاره
5-لانولين:بيحمى الجلد من العوامل الخارجيه الضاره



الشركة المنتجه: ماكرو-المنتج مصرى



بعض التجارب للبنات:



-ازيكوا يا قمرات كان فى بنت هنا الله يباركلها كانت قالت على كريم كير باى كير انة مرطب و بيدى تغطية خفيفة كدة زى كريم الاساس انا مكدبتش خبر عشان طبعا كتر كريمات الاساس هتبهدل وشنا رحت سالت علية فى الصيدلية و جبتة و قريت مكوناتة رائعة و مفيش منة ضرر و لية استخدامات كتيرر كلها مكتوبة على العلبة و مكتوب علية كمان انة مناسب تماما للبشرة الحساسة و مفيش منة اى اضرار

هو مكتوب عليه لجميع انواع البشرة
وانا اصلا بشرتي دهنية وبقالي تقريبا سنتين بستعمله


و المفاجاة بقى جربتة بدل الديودرانت تحت الابط و الله رائع مفيش عرق خالص خاااااااالص لانة مضاد للبكتريا و بيفضل 48 ساعة مش 24 بس و ممكن اكتر بدل المزيلات الى بتسمر دى و مش كدة و بس هيرطب المنطقة و يفتحها



جبتة و حطيتة جميل مشاء الله هو لونة ابيض فبيدى نور للوش و لمعة جميلة( هو مش دهنى ) للى بتحب الميكاب الشينى و الى بتحيوا ماط دى بقى افتكاسة من عندى كدة جبت بودرة تلك خدت شوية بفرشاة الميكاب العادية و وزعتها على وشى خلت مفيش لمعة خالص و ماط و ثابت و جميل و الى خايفة من بودرة التلك ممكن تبدلها بالنشا انا جربت دة و دة و مفيش فرق خالص
قلوبقلوبقلوب

قلوبقلوب
-على فكرة هو كويس جدا د/ الاطفال كتبه لبنتى علىشان الحبوب الناتجه عن حساسيه الحشرات بينشف الحبوب
قلوبقلوب

-هو ينفع فى كل الاوقات كريم نهار و ليل و كريم اساس و ديودرانت و مرطب و ملطف انا حسة انة لكلة
قلوب
-هو عندي قلوببس الدكتورة كانت كاتبهولي وانا حامل عشان الحلمة بدهن بيه الحلمة وادلكها مش عارفة ممكن يكون تفتيح بردو؟؟

- مش بيفتح ولكن بيدي لون ابيض زي كريم الاساس (لون ابيض مش بيج ) عشان الزنك اللي فيه
وبشرتي دهنية جدااااااااا وبتطلع دهون علطول مش بيخليها تطلع دهون ابدا
قلوب
-انا لسه جيباه حالا والله كنت بكشف ولقيته فى الصيدليه وجبته بالمره عشان سمعت عنه هنا فى المنتدى قبل كده ومقدرتش انام قبل مااجربه تحففففففففففففففففففففففه منولى وشى ومديلى لوك جميل
قلوب
-بدهن بيه بعد ما بعمل وشي بالفتله
عشان متطلعش حبوب بجد تحفه احسن ملطف ومرطب وكمان بيبيض
ومكنتش اعرف انه صن بلوك كمان 
قلوب

- كريم كويس لعلاج المناطق الخشنه والغامقه "من الجفاف"....الالتهابات والتسلخات الخفيفه وككريم مهدئ بعد حروق الشمس
قلوب
-هو كريم مرطب فعال اوي وجميل جدا للشفايف والتشققات وبيدي نضارة

قلوبقلوب
- دكتوره قالتلى عليه وربنا يوفقك بس فيه حاجة مهمة لو انتى فى الشتا حطيه عادى اما لو فى الصيف حطيه بردو بس ياما تحطى عليه بودرة تلك او النشا حاجة خفيفة كدة علشان وشك ميعرقش ياقمر وربنا يوفقك ياارب


ليست هناك تعليقات:

إرسال تعليق