الأربعاء، 18 يوليو، 2012

طقوسي الخاصة لبعد الفتلة مش بيطلعلي اي حبوب بالصور

ازلة شعر الوجة بالفتلة التخلص من حبوب الوجة عمل الوجه بالفتلة 
المهم موضوعي عن الحبوب اللي بتظهر بعد الفتلة واللي كتير بيشتكو منها

انا هقولك بعمل ايه لبشرتي قبل و بعد ما بعمل وشي بالفتلة وما شاء الله لا قوة الا بالله ومفيش حباية تفكر ولو مجرد التفكير انها تظهر


♥ اولا♥ انا بروح الكوافير بحاول على قد مأقدر يكون اخر النهار لسبيبن 
الاول اكون خلصت مشاويري كلها ومش اتعرض للجو والتراب وانا مسامات وشي مفتوحة وملتهبة
و عشان تكون الشمس غابت شوية ومش تأذي البشرة



♥ ثانيا♥ اول ما اوصل علطول بغسل وشي بصابونة مضادة للبكتيريا هي صابونة ديتول او صابونة الكبريت
عشان اول سبب لظهور الحبوب دي هي البكتيريا والجراثيم
وكمان البنت اللي بتعمل بتحط الفتلة في بؤها وتفضل رايحة جاية على بشرتي ودي حاجة طبعا بتنقل الجراثيم وممكن ايدها تنقل جراثيم لوشي
يبقى لازم ولابد وحتما من الصابونة المضادة للجراثيم
سعر الديتول ب 1 جنيه للبشرة ولونها وردي
✿✿طقوسي الخاصة لبعد الفتلة مش بيطلعلي اي حبوب (بالصور)✿✿
والكبريت ب 1جنية وربع
وهتقعد كتييييييير يعني متخافيش
✿✿طقوسي الخاصة لبعد الفتلة مش بيطلعلي اي حبوب (بالصور)✿✿




♥ ثالث ♥ حاجة الفتلة بتفتح مسامات الوش وتخليها زي الوكالة من غير بواب ههههه
يبقى لازم تونر حلو مناسب للبشرة
انا بستخدم تونر كلين اند كلير للبشرة الحساسة ومرتاحة معاه 
وشوفي القطنة هيطلع فيها بلاووووووووووووووووي اد ايه
فايدة التونر ده كمان غير انه بيقفل المسام بيتغلغل في اعماق المسامات وينضفها بعمق
✿✿طقوسي الخاصة لبعد الفتلة مش بيطلعلي اي حبوب (بالصور)✿✿

♥ رابعا♥ بحط على وشي كريم نيفيا الازرق التقيل مش السوفت
✿✿طقوسي الخاصة لبعد الفتلة مش بيطلعلي اي حبوب (بالصور)✿✿
متتخيليش اد ايه الكريم ده ساحر للبشرة بجد
بحط منه كمية كبيرة شوية ومش ببخل خالص واسيبه على بشرتي ساعتين تلاتة 
بجد بيرمم البشرة ويغذيها ويرطبها بعمق ويعوضها عن كل الزيوت اللي فقدتها البشرة والتقطيع بتاعة الفتلة 
رغم انه تقيل شوية بس رائع بجد
ومعلومة كمان عالماشي
 انا ساعات لما بتعور بحط منه طبقة كبيييييييرة اوووي على الجرح واسيبه ينشف بعد ساعتين ولا حاجة بشيله الاقي الجرح عمل قشرة وقعت والجرح نشف كأن مفيش اصلا جرح
بجد ساحر من هنا لبكرة

لو مش حابة نيفيا الازرق ممكن تدهني بانثينول جل ده زي كريم بانثينول بس قوامه جيل مش كريمي ومناسب للبشرة الدهنية لو الكريم مش بييجي عليها
هو احلى واجمل من كريم بانثينول والله
رائع هو للجروح والحروق وبينعم البشرة ويعوضها عن الزيوت اللي فقدتها
ورد جميلورد جميلورد جميلورد جميلورد جميل

اخر حاجة انا ساعات كتير بستغل فرصة المسامات المفتوحة للبشرة واعملها اي ماسك يغذيها
بلاش مسكات التقشير دلوقتي خلينا في التغذية
يعني عسل وزبادي اي زيت وعصرة صغيرة لمون عشان بشرتي مش حساسة منه
اما لو بشرتك حساسة من اللمون بلاش
او امسح وشي بلبن بارد
او عصير بقدونس
ورد جميلورد جميلورد جميل

بجد بجد بعد كدا مفيش حد هيشتكي من حبوب بعد الفتلة ابدااااااا وتحدي
ومتنسوش تدعولي بعدها لما تبقو امورات وحلوين 

لو عجبك الموضوع او معجبكيش ادعيلي دعوة حلوة من قلبك بصلاح الحال
ومفيش مانع برضو من رد 
منقول

هناك 6 تعليقات: