الاثنين، 11 أكتوبر، 2010

نعومه فى الرجل(باديكير)من غير ماءوبجل مطهر ب12جنيه وسنفره ناعمه ومش هتاخد منك 10 دقايق


تقدري تعملي باديكير لرجلك من غير مية؟؟؟؟

هقولكم علي طريقة بقي تخلي قدم رجلك قشطة وكعب رجلك زي الحرير وكوعك وركبتك حرير وقشطة ومن أول مرة

ومش هتاخد منك 10 دقايق
دي تنفع الموظفة اللي معندهاش وقت لنفسها

او العزومات او الخروجات اللي بتيجي علي غفلة

او العرايس الجداد بقي اللي لسه مكسوفة من عريسها ومش عايزة تاخد وقت في تنعيم كعبها
الوصفة:ـ

الأول  هاتي صنفرة القدم بس تكون ناعمة مش مسننة




اشتغلي بيها علي الناحية الخشنة الاول لو عندك جلد ميت كتير أو فيه سواد او تشققات




وبعدين اعمليها بالناحية الناعمة علي الناااااااااااشف مفيييييييييييييييش مية خااااااااالص
ثانيا:ـ هاتي اي جل مطهر لليدين

 عن تجربة كامينا ب 12 جنيه وغير كده الازازة كبيرة شوية
ادهني قدم رجلك بيه
وبعد كده حطي شوية علي صنفرة القدم الناحية الناعمة وقبل ما يسيح عليها افركي قدمك بيها واتفرجي علي كمية الجلد الميت اللي هتنزل تاااااااااني

وكل ما تلاقي المبشرة نشفت حطي شوية جل وافركي وما تتخضيش من اللي هينزل منها

 

ده غير بقي ان هيسيبلك رجلك بعد ما تخلصي لو في حاجة انعم من الحرير كمان يبقي هيا رجليكي


لو عندك كمان سواد في ركبك أو في كوعك ادهني شوية منه علي الكوع أو الركبة وبالصنفرة الناعمة قوي افركي واتفرجي علي كوعك أو ركبتك عاملة ازاي
 
بجد يا جماعة وهم الوهم الوهم كمان فوق ما تتخيلوا

 

بعد ما تخلصي بقي قدم رجلك

هتلاقيه اصلا ناعم زي الحرير ونظيف زي الفل ومن غير مية كمان ولا اي حاجة

اشطفي رجلك بشوية مية ساقعين


وقبل ما تنامي ادهني رجلك تاني بالجل المطهر

واتفرجي علي النعومة اللي هتقعد معاكي فترة طويلة

خصوصا ان الجل بخلاصة الصبار واحنا طبعا عارفين فوايد الصبار

بينعم وبيرطب وغير كده كمان بيساعد علي التئام الجروح

































ليست هناك تعليقات:

إرسال تعليق