من اسبوع كنت بعمل وشى عند الكوافيرة بتاعتى
المهم انا مارحتلهاش من شهر ونص كدة وانا وقتها كنت لسه سالها عن حاجة للبشرة عشان بشرتى كانت مدمرة خالص
جابتلى ماسك من عندها وطلع نيلة
ماعلينا المهم عملت الماسك بتاعى دة وبقالى اكتر من شهر ونص ماشية علية
لحد مابشرتى بقت روعة ....رحتلها بقى من اسيوع اول ماشفتنى فتحت بقها وقالتلة انتى عملتى تقشر كيماوى لبشرتكصعبان عليه
قلتلها نعم يامزة انتى بتكلمينى انا ؟؟مكسوفمكسوف
قالتلى وشك ماشاء الله بقى تحفة انتى رحتى عالجتى وشك عند دكتور صح ؟مستغربة
قلت اما استهبل شوية وقلتلها لاة دانا اشتريت ماسك غالى مووووت بس جاب نتيجة معايا
لقيتها جرى راحت جايبة الايندكس بتاعتها وقالتلى ملينى اسمة وشارياة منين بسرعة ؟؟؟؟؟؟؟
قلت اما استهبل زبادة قلتلها مش فاكرة اسمها بس هاجيبلك عينة منة تجربيها الاول قبل ماتبدى فية اصلة غالى مووووووووووووت دي احلوت قويههههههه
وفعلا اديتلها عينة تكفبها بتاع اربع مرات لقيتها بتتصل بية وقالتلى والله لو ماجبتى اسم الماسك لاصورلك قتيل دة الماسك دة هيعمل شغل عالى عندى فى المحل وهيخلى الزباين مطرة علية وحنى لو ب 1000 جنية هاجيب اكتر من تمنة 10 مرات فى يومين
قعدت اضحك واكركع سعيدة قويههههههه وقلتلها بكرة اديكى اسمة
اية رايكم اديلها اسمة ؟؟؟؟؟؟؟؟
طبعا انا مابخلتش على حبايبى الفتوكات بالوصفة الخيال دى بس الكوافيرة دى هتغلى ع البنات جامد بالماسك دة
اديها صابونة ولا اعمل اية ياه!ياه!
عموما يارب كلكم تجرب الماسك دة والله تحفة موووووووووت وربنا يكرمكم ببشرة حلوة وجميلة
الماسك:
نصف برتقالة بقشرها
نصف تفاحة بقشرها
نصف بططساية بقشرها
نصف ليمونة بقشرها
واحد جزرة بقشرها
طريقة التحضير:-
نسلق كل المكونات دى كويس وبعدين نصفى المية ونضربها كويس فى الخلاط واثناء الضرب نحط الباقى 2معلقة مية ورد
بياض بيضة
2معلقة حليب
معلقة زيت زيتون
معلقة دقيق سميد بسبوسه
طريقة الاستخدام:-
ناخد جزء من الماسك وندعك بية الوجة 3 دقايق وبعدين نحط كمية تانى ماسك نص ساعة ممكن يستخدم للرقبة برضة بنفس الطريقة ...... طبعا مش هقول على النتايج التحفة اللى هتشفوها هستنى تجربوا وتقولولى وتدعولى الماسك ممكن نستخدمة كل يوم او 3 مرات فى الاسبوع عادى براحتك المهم البرطمان الزجاج والتلاجة نسيت اقول انى كنت مزودة معاها حاجة تانى بعد الماسك بتدهنى زيت جنين القمح بسيط دا علشان الى بشرتها حساسة شوية وعلشان الليمون ميجففش البشرة .
منقول للافادة بدون الصورة.. وفعلا رائع
ليست هناك تعليقات:
إرسال تعليق