تجارب البنات على الفيس بوك لتنعيم وتعطير الشعر طبيعي

1-انا بعمل لبنتي ماسكات طبيعية بس الصراحة اكتر حاجة بتزبط الشعر ماسك الموز والبيض وحطي عليه زيت جوز هند انا بضرب الموز فالخلاط عشان يكون سايل تعمله مرتبن فالاسبوع.

2- الماسك بتاع الشعر للتقيله وتقويته
(بيضتين و شوية زيت جوز هند او زيت زيتون تحطيهم علي شعرك كله وتسيبيه نص ساعه وبعدين تغسلي شعرك بالشامبو والبلسم من مرة لمرتين بالأسبوع ) وطبعا شرب المياه وأكل الجرجير مع فيتامينات.

3- خلطه طبيعيه بيض وعسل نحل وزيت زيتون او اي زيت انتي بتستعمليه اعملي الخلطه وادهني واتركيها ساعتين وبعدين اغسلي كالمعتاد بيطري الشعر جدا وبينعموو وبعد الغسيل ادهني زيت الكركار جميل جدا وبيفرد الموجه الل ف الشعر وكل ده عن تجربه

4-الزبادي والعسل بيخلي الشعر تحفه وحمام المايونز بينعم الشعر

5-جربي زبده الشيا وزيت الارجان وجوز الهند واللوز والزيتون وتعمل بيهم حمام زيت بيفرق كتير معاهم والكركار ممتاز برضه

6-خبيرة التجميل وئام حسان:
🍁لوسيون الجلسرين بالزيت العطرى
لترطيب وتعطير الشعر وتقليل تقصيف وهيشان الشعر بالتدريج 🍁

الطريقة
تضعى الجلسرين وتخلطيه بالزيت العطرى
فقط وتضعيه فى علبة رشاش
ويستخدم عالشعر بعد الشاور فقط
والشعر مندى بالماء بعد الشاور
وبديل لكريمات التصفيف

عشان الوقايه خير من العلاج ، هنا هقولك شوية نصايح تاخدي بالك منها وانتي بتسرحي شعرك او بتسرحي شعر بنتك👍👍
ولان الطرق الغلط بتوقع الشعر ونرجع نعالج التساقط ، فلازم نحافظ ع الشعريتين اللي حيلتنا اسهل 😂😂😂
 خلي_بالك ⬇⬇⬇
⬅ المشط اللي بتستعمليه لازم يكون مصنوع من الخشب أو العظم #بلاش المشط البلاستيك أو النحاس لان ليه اضرار كتيره على الشعر وفروة الرأس وهزكرهم بالتفصيل في نهايه البوست 😨😨😨
⬅ المشط لازم يكون نظيف ومفيش فيه بواقي قشره اللي المفروض هي فطريات ، او بواقي زيوت الميكروبات بتتغذي عليها👎👎👎
⬅بلاش تحكي فروة الرأس جامد لأن ده بيزود انتشار العدوى وبينشف فروة الرأس وبيزود القشرة👎👎
⬅سرحي بالراحه من غير قوة مفرطة (انتي مش داخله خناقه ) حتى لو كان متشابك👍👍
لأن لما تسرحي بقوة ده مش بيشيل التشابك #ده بيوقع الشعر حضرتك من جذوره وهتقعدي تشتكي ان شعرك خفيف وانه بيقع من جذوره وسيادتك اللي عامله الجريمه دي 😱😱
⬅المشط لازم نهاياته تكون مستديرة لأن الحواف الحادة بتجرح فروة الرأس وبالتالى بتنقل العدوى لفرروة الرأس وبتنشفها😨😨😨
⬅لما تيجي تسرحي ابداي من الأطراف مش من الجذور وخصوصا لو كان متشابك لأن نسبة التشابك بتكون اكبر في الأطراف وبكده اما بنبدا من الاطراف بنقلل التشابك و بنحمي الشعر من انه يتقطع وانتي بتشيلي التشابك 👍👍👍
⬅فيه أمشاط أسنانها عريضة ومموجة بتفك تشابك الشعر بسهوله للستات اللي تشابك الشعر عندهم زايد👍👍
⬅لو شعرك قصير استخدامي مشط سنانه صغيرة 👍👍
⬅صحيا المفروض تسرحي شعرك يوميا وعشان كده المشط المسطح هو الانسب 👍👍
⬅بلاش تسرحي شعرك وهو مبلول لأن الشعر المبلل بيكون في أضعف حالاته لان ألياف الشعر بتقوم بامتصاص الرطوبه فبتتمدد وتضعف وده بالتالي لما تسرحيه وهو مبلول بيتقصف ويتكسر ويتلف 😨😨
⬅طبعا مفيش داعي ااكد عليكم ان المفروض كل شخص يبقي ليه مشط خاص بيه عشان انتقال العدوي ولا ايه 😷😷
⬅ما تقعديش تسرحي شعرك طول النهار😂😂 لان اقصي عدد مرات تسريح الشعر في اليوم الواحد المفروض ما يزيدش عن ثلاثة مرات لان الافراط بيعمل تلف وتقصف وتساقط للشعر 😨😨
 ليه_المشط_الخشب_افضل ⬇⬇⬇
1- بيساعد علي تدليك فروة الرأس و تنشيط الدورة الدموية بيها وبيشيل الأتربة والمواد الضاره اللي بتسد مسام فروة الرأس وده طبعا بيخلي السعر ينمو بشكل صحى👍👍
2- المشط الخشب مش بيعمل توليد للشحنات الكهربائية زي المشط البلاستيك وبالتالى مش بيقصف الشعر ويتلفه😨😨
3- المشط الخشب سهل التنظيف فببساطه انقعي المشط في مياه سخنه مضاف إليها صابون وخل👍👍
4- المشط الخشب بيحافظ ع الزيوت الطبيعية اللي بتفرزها فروة الرأس واللي بتساعد على نمو الشعر وزيادة صحته وكمان بيوصل الزيوت دي لاطراف الشعر الطويل 👍👍
طيب_ليه_بلاش_المشط_البلاستيك ⬇⬇⬇:
1- المشط البلاستيك بيقصف الشعر وبيوقع الشعر لانه بيولد كهرباء استاتيكية “ساكنة” مع الشعر😨😨
2_ يؤدي إلى فقدان الزيوت الطبيعية في فروة الرأس وبالتالى بيعمل جفاف لفروة الرأس والشعر وظهور القشرة😨😨
3- بينقل العدوى البكتيرية إلى فروة الرأس خصوصا عند جرح فروة الرأس وبالتالى فالمشط البلاستيك ضار جدا بالشعر وفروة الرأس😨😨😨
1-زيت_الخروع
ليه خواص مضاده للبكتيريا والفطريات ومليان بالعناصر المفيده لنمو الشعر مثل البروتين و زيت الاوميجا و الاحماض الدهنيه وفيتامين E والمعادن
 اللزوجه الكبيرة فى الزيت هذا  بتدعم قوه الشعر وتحميه من العوامل البيئيه وتزود كثافته
 طريقه_الاستعمال للحصول علي افضل نتيجه :
هاتي معلقه من زيت الخروع وضيفيها علي معلقه من جوز الهند واخلطيهم كويس ودلكي بيهم فروه الراس كويس وسيبيهم ساعه و اغسلي شعرك بعدها وكرري القصه دي كل 3 ايام
مع تحياتي صيدلية_الدكتور_باهر_السعيد

خبيرةالتجميل_وئام_حسان
💐شامبو البيض لترطيب الشعر الجاف 💐
🌳من صنع ايدك لخبيرة التجميل وئام حسان🌳
🥀المكونات🥀
صابونه بالجلسرين او بزيت زتون
جلسرين
صفار بيضه
الزيوت الاتيه
جنين قمح
زتون
جوز هند
سمسم
لوز حلو
ياسمين
ماء ورد
خل تفاح
🌼طريقه تحضير🌼
1تقومين ببشر الصابونه ووضعها فالخلاط
2تدفى كوب ماء ورد وتضعيه فالخلاط
3 تضعى 4ملاعق كبيرة جلسرين
4تضعى ملعقتين كبار من الزيوت السابقه
5تضعى ملعقه صغيرة زيت الياسمين
6تضعى صفار بيضه
7ملعقه كبيرة خل تفاح
تضربى الخليط جيدا فالخلاط وتضعيه فبرطمان زجاج وفالتلاجه ويستخدم
📣يستخدم 3مرات فالاسبوع وصلاحيته مفتوحه لحد ما يكون طبقه عفن
💥طريقه الاستخدام💥
1تبلى شعرك ميه مائلة للسخونه قليلا عشان تفتحى مسام شعرك
2تنشفى شعرك بالفوطه بالطبطبه كويس،اوى
3تدهنى شعرك والفروة من شامبو البيض
مع عمل مساج
وتلبسى بونيه
4تتركيه لربع ساعه اى15دقيقه
5بعد الربع ساعه تدخلى تشطفى شعرك
كويس وتكملى الشاور بتاعك عادى جداااا
🌺وفأخر خطوة فالشاور تستخدمى حمام كريم جاهز وتزودى عليه جاز وعسل
وتدهنى الشعر فقط وتتركيه ل5دقايق
وتشطفى الشعر بالماء فقط 🌺
خبيرة التجميل بالوصفات الطبيعية
وئام حسان.

كلي الصبح 3 تمرات (بلح)
ولو مش متوفر خدي كوبايه ماء على الريق مع معلقه عسل
انا كان عندي عندي نقص في فيتامين د  والحمد لله عملت كده وبقى كويس من غيرعلاج.