حبيت انقل لكم تجربتي بالصور مع المنطقة الحساسة

حبيت انقلكم تجربتي بالصور مع المنطقة الحساسة حبيت انقلكم تجربتي بالصور مع المنطقة الحساسة حبيت انقلكم تجربتي بالصور مع المنطقة الحساسة حبيت انقل لكم تجربتي بالصور مع المنطقة الحساسة
أولا مبدأيا كده هنقسم ازالة الشعر لثلاث مراحل:-
* قبل الازالة
* أثناء الازالة
* بعد الازالة


مرحلة ماقبل الازالة:-
1- هتعملي تقشير للمكان الاول كويس قوي بأي صنفرة تحبيها
وأحلي صنفرتين هما ملح الحليب ممتاز وده ب 7.5جنية أو سكر وزيت زيتون


2- هتطهري المكان بأي غسول بتحبيه وبتستخدمية أنابستخدم سيتيال ممتاز جدا ب9جنية او 12 جنية
ممكن تستخدمية  مره كل يوم مساء


ولو مفيش غسول مطهر يبقي نطهر بصابونة لايف بوي ب2.75 أو صابونة ديتول ب2.5

3- تنشفي المكان كويس قوي قوي لحد مايكون مفيش نقطة ماية خالص تمام

مرحلة أثناء الازالة:-

ملحوظة:- الشعر لازم يكون وسط ولا قصير خالص ولا طويل عشان نعرف نشيلة بأي وسيلة

الأول هنتكلم بالنسبة ال هيسخدموا السويت:-

1- لو مش هتتحملي الالم هتحطي مخدر موضعي اسبراي أو كريم وفي أنواع كتير قوي

أنا استخدمت بريدوكايين كريم ب7.5جنية ومكنش قوي يعني خفف الألم بنسبة 50% كده

وممن تخدري بتلج كويس برده أو لوعندك كيس الجيل ال بيجي مع السيلك ابيل كويس تمام

طيب لو مش حابة تستخدمي مخدر ممكن تجيبي الجوانتي الطبي ب50قرش وتدلكي المكان كويس قوي

وهتشيلي بالسويت عادي بدل ماتشدي بايدك مش هيكون في الم غير بسيط خالص تمام

2- بعد ماعدت ساعة المخدر هندخل الاوضة عشان نشغل المروحة عشان ماتسحش وتلزق

هنقطع السويت قطع صغيرة دي بتخفف الالم لما تكون صغيرة وبصوا بقي عشان الالم مايكنش جامد

هنسمي الله ونمسك حتة السويت ونلزقها ع الشعر نفسه مش الجلد وناخد الأول من الخطوط الخارجية

ده بيساعد ع تخدير المكان برده وبعد كده ناخد مره من تحت ومره من فوق ومره من بره ومره من جوة

عشان مانركزش الالم في حتة واحدة ونخدره تمام كده

نيجي بقي لأصحاب الحلاقة :-

بعد خطوات قبل الازالة العادية هنعمل الاتي

1- هنرطب المكان كويس قوي بزيت الزيتون او بالبيبي أويل ودول أحسن حاجة لأزالة الشعر

2- نرطب الشفرات وكل ماكانت عدد الشفرات أكتر كل ماكانت الحلاقة أحسن وأقرب للشعرة

هتلاقي المنطقة ناعمة جدا

3- تسمي الله وتشيلي مع اتجاه نمو الشعر عشان الشعرة ماتتقطمش تمام كده

4- هتمسحي الشفرة كويس قوي بمناديل وتمسحي المكان بمناديل الاطفال عشان تشيلي الشعر

5- وتفضلي كده لحد ماتتاكدي ان خلاص مفيش ولاشعراية

اسبراي الازالة:-

في اسبراي اسمه جي كازنوفا مزيل الشعر

ده ممتاااااااااااااااااااااااااز بجد اختراع ياكوتش

من غير الم ولا اي حاجة ولاسواد ولا غيرة 

ونتيجته زي السويت بالظبط الشعر بيطلع متأخر

بس جربوه الاول علي منطقة صغيرة عشان اللي جلدهم حساس

وده في منه نوعين واحد بالليمون وواحد بالورد

انا جبت اللي بالورد ب17جنية بس ده مش الاصلي صنع ف السعودية

الأصلي صنع ف باريس تقريبا وغالي بحوالي 30 باين

بس بجد روعة روعة روعة جربوه مش هتندموا هتدعولي
هو بيترش بتسيبية 10 دقائق وبعد كدة بتشيلية بفوطة او مية وبيطلع من الجذووور وحلو اوي بترشية زي الفوم بيطلع وتسيبية

ودي صورتة




ثالثا مرحلة مابعد الازالة:-

سواء بأي طريقة عملتيها سويت أو حلاقة هتعملي كده:-
1- هتمسحي المكان كويس جدا بماية ورد وتنضيفه من أي بواقي زايدة ال هو الشعر اللي بيكون
متشال بس لازق ف المكان
2- كده المنطقة بقت تمام ونضيفة ننشف بمناديل بطريقة الطبطبة مش بافتري عشان ماتتلتهبش
3- هنعمل ماسك النشا وهو عبارة عن ماية ورد ونشا ونوزعة ع المكان لحد ماينشف
4- هنشطف المكان كويس من الماسك ده بغسول البابونج وبيكون بابونج مغلي ف ماية وتصفية
وتدوبي معاة معلقة نشا
5- لو عندك اسكينول الليمون بقطنة كده وتمرريها ع المنطقة كلها وتسيبيه ينشف
طيب معندكيش هتجيبي قشر برتقالة وتغلية ف كوباية ماية علي نار هادية خالص نص ساعة
وتصفية لمايبرد وتزودي عليه ربع كوباية ماية مدوبه فيها معلقة نشا كبيرة وتحطيه ف بخاخ
6- بعد ماينشف هتمرري قطعة تلج ع المكان عشان نقفل المسام بمنديل نشيل الماية الزايدة
بطريقة الطبطبة
7- هنرطب بزيت الزيتون وده بيقلل الشعر وبيخفف سمكه وممكن زيت السعد برده او كريم السعد
8- يوميا بقي بعد الازالة عشان نخفف الشعر ونقلله هندهن ع المكان زيت الزيتون أو زيت السعد
أو كريم السعد أو نحط ف بخاخ منقوع الترمس ونرش منه وكل دول كويسين


نيجي بقي ع السريع كده للنضافة العامة:-
1- هنستخدم مره او مرتين في الاسبوع الغسول المطهر زي سيتيال
وممكن نستخدم غسول الماية وملح وده طبيعي وحلو
2- بعد كل تشطيف في اليوم العادي هتغسلي المكان بصابونة لمبادا للبشرة أو صابونة ديتول
أو لايف بوي أو أي صابونة طبية عادي
3- تنشفي المكان بمناديل مش بفوطة ودي أنا سمعتها من الدكتورة في التليفزيون
4- هترطبي المكان بأي حاجة تفضليها وأنا بفضل بزيت الزيتون
عشان بستخدمه كترطيب ويخفف الشعر
5- البانتي نغيرة 3 مرات في اليوم ويكون قطن
طيب معندكيش قطن ومش هيكفي 3 مرات هقلك تعملي ايه
انا مقسمة اليوم كل 8 ساعات بغير فيهم
اول 8 ساعات بستخدم الفوط اليومية كير فري فترة وانا في الكلية بتحسسني بالجفاف والثقة كده
ال8 ساعات التانين مش بلبس بانتي بكون ف البيت بسيب المكان يتهوي لازم لازم يتهوي كل يوم
اخر 8 ساعات وقت النوم بلبس البانتي
ولماتغسلي البانتي عشان تقتلي اي بكتيريا هتمشي المكواة بتاعتك عليه تمام كده
6- لو في التهابات وحكة هنعالجها بغسول سيتيال يوم ويوم لأ وبكريم ديكتاكورت ممتااااااااااااااز
نصحتني بيه القمر NOTY CAT هيضيع الالتهابات علطول

منقول للافادة