تجربتي بتقشير البشره مع الدكتور والمنتجات

تجربتي بتقشير البشره مع الدكتور والمنتجات
حابه اخصص هالصفحه

لتجربتي ان شاء الله

في شيل آثار حب الشباب القديم


بما ان الحين احنا فصل شتاء فيستحسن التقشير

راح اكتب لكم عن الادويه وشنو يصير معاي لحظه بلحظه وعشان البنات يستفيدون ان شاء الله من العلاجات اللي عطاني الطبيب

اول شي خن اقولكم حالة بشرتي الحاليه :

باهته + اثار حبوب + حبوب صغيره ونفرات من وقت لوقت علما باني من سنتين استعملت الروكيوتان 5 اشهر وجفف بشرتي حيل وقطع الحب

جهة العلاج : مستوصف cmc عند د حسن فؤاد الجلديه

ما ادري ليش اخترت هالدكتور

يمكن عشان ارتحت له
لان مره رحت قبل عرسي بالصيف وريته بشرتي

وان عندي اثار وحفر بسيطه

قاال التقشير الحين ما ينفع لان احنا بموسم الصيف
ينفع بس اعطيج ابر نظاره بـ200دك
وما رحت له ثاني مره

لان لهيت واخذت كورس عنايه من صالون بيوتي اند هيلث بـ100دك وكان كله منتجات بحر الميت وفعلا حيل فادني ماسك طين البحر الميت وخفف عندي الحفر اللي سببها حب الشباب ...


المهم خن اقولكم شنو صار معاي وبداية رحلتي :

من اسبوعين فتحت ملف بـ15دك
ودشيت ع الطبيب كشف على بشرتي

وكان فيني حبوب صغيره حمره منتشره

اول شي وصف لي

غسول اسمه CETEPHIL



طبعا النوع حق البشره الحساسه لان في كثير انواع هذا غسول مرتين باليوم


نجي للتونر عطاني تونر يصلح لجميع انواع البشره امسح بالقطنه بعد الغسول مرتين باليوم
وفيه فيتامين سي


مثل ماذكرت يصلح لكل انواع البشره اللي عجبني انه خفيف ومايحرق ومو مثل الاسكينول احسه احلى وانا بطبعي احب اي شي فيه فيتامين سي لان يعطي نضاره للبشره


نجي لمحلول زينيرت اللي ينحط الصبح بعد الغسول والتونر وهو يجفف الحبوب ومضاد حيوي




صدقيني هالمحلول لما يفب وجهي كله حب اقعد اضل احط فيه لحد ما اشوف الحبوب قدامي تنفش وتقشر
وانا بطبعي لو احط كريم مرطب والا مكياج قب وجهي



هذا كريم ينحط باللليل
يسوي بشرتج بيئه ما ينمو فيها بكتريا حب الشباب فيمنع ان الحب ينتشر وبفس الوقت يقشر حتى الحبه واثرها بس لازم تكون ماتت وانبطت وجففها الزنريت اول
وراح تلقون البشره تقشر عادي ظلوا حطوه لان هم يخفف اثار الحب



طبعا جيت الدكتور من اسبوع

ولقى وجهي حيل جف من الاكرتين والزنريت المحلول

وعطاني كريم قالي بعد ماتغسلين بغسول الوجه وتمسحين بالتونر وتحطين محلول الزنيرت
تمسحين وجهج طبقه خفيفه من هالكريم

حيل حسيته رطب شوي وخفف الجفاف

اسمه فيوسيباكت

المهم صارلي اسبوعين استخدم هالاشياء

الحب خف حيل

والوجه تقشر بس مو حيل اشوفه يتقشر
وعادي عندي لان قبل لا استخدم الروكيوتان قبل ظليت 8 شهور استعمل اكرتين بس مليته لان صار الصيف وبالصيف البشره المقشره تحرق ومو زين لها الشمس فغير لي الطبيب على حبوب روكيوتان وانا كنت قبل بالجلديه حق الحكومه



هذا مختصر قصتي

وانا يمكن باجر اروح او عقب باجر لان طوفت موعدي المفروض الخميس اللي طاف

قال الدكتور بنسوي لج جلسة سنفره مدري تنظيف جنه

وعقب نبتدي معاج جلسات التقشير
انا بوفايكم بكل المستجدات

بس ادعولي ان الله يخلي لي زوجي

وان بشرتي ترجع تلق وتصير بشرة بيبي نفس ماكانت قبل

وسلامتكم

ناطره تشجيعكم لي
وان شاء الله افيدكم
مصدر