الأربعاء، 22 أغسطس، 2012

اسرار مراكز التجميل هناا


الوصفات دى وصفات كوافيرة شاطرة اوى وهى مامة صاحبتى 

عشان كدا ياريت تدعولها ربنا يباركلها ويجزيها خير على تعبها 


مشكلة جفاف الشعر

ليها حل باذن الله وهو تدليك فروة الرأس بزيت الجوجوبا

ليه زيت الجوجوبا... لانه اقرب زيت فى تركيبه للزيت الطبيعى اللى بتفرزه بشرتنا 

هى قالتلى اعمل مساج كل يوم بس انا لقيت شعرى بيلزق فبعمله كل يومين باخد معلقه من الزيت ومن غير ما ادفيها او اى حاجة 

و اخود منها اطراف صوابعى وادلك فروة الراس كلها التدليك بالصوابع مش بالاظافر

خمس دقايق بالظبط وبعدها اسرح شعرى بمشط خشب وانا بستخدم مشط اصاله اسرح من ورا لقدام ١٠ مرات ومن الجمب اليمين للشمال ١٠ مرات ومن الشمال لليمين ١٠ مرات ومن قدام لورا ١٠ مرات 

هتلاقى الزيت اتوزع على شعرك كله ونشطى الدورة الدمويه هتحسى شعرك بيتحول من الشعر الجاف للعادى باذن الله

لنضارة ونعومة الجسم

قبل الشاور بتاعك تاخدى نص ثمرة بنجر تعصريها وتصفيها وهتاخدى من المايه بتاعتها معلقه تخلطيها بمعقلة اللوشن بتاعك كويس وبعد الشاور تدهنى جسمك كله 

النتيجه لو كنتى بيضه هيبقى جسمك محمر شبه الاجانب وكله دمويه واللون ثااااااابت طول اليوم واقسم بالله مجرباها وبستخدمها كمان لخدودى ولا اجدع بلاشر

اهم حاجة توزعى كويس عشان ميبقاش حتت لونها افتح من حتت 

تستنى دقيقتين ينشف 

وبعدين تلبسى هدومك

الحمام المغربى

انا مش هقول تفاصيله لان كلكو عارفينها انا هقول الحاجات اللى قالتهالى تنت وبيعملوها فى مراكز التجميل

اولا الصابون المغربى بيضيفوله زيت زيتون وليمون 

الليفه المغربيه لازم تقلبيها وتشوفيها من جوا خيش ولا لاء لان فيه انواع بتكون مضروبه بتبقى عبارة عن القماشه السوداء فقط ودى ملهاش اى لازمه

قبل ما تبتدى تشتغلى بالليفه انقعيها فى خل تفاح مخفف او خل عادى 

وكل ما تدعكى جزء من جسمك بليها من الخل تانى وهكذا

الطمى (مش خطوة اساسيه) بيخلطوه بورد مطحون وماء ورد

للامانه مجربتش الحمام المغربى بالطريقه دى بس ناويه ان شاء الله

لليدين والقدمين

قالتلى حسن حاجة ليهم الفازلين خصوصا لو عملتيه بنفسك!! 

الطريقه شمعه بيضه و٤ معالق زيت زيتون وتسيحيها فى حمام مائى وتقلبيهم كويس وتحفظيه فى علبه هتلاقيه جمد زى الفازلين

متستغربوش يا بنات انا جربتها بنفسى والميزة فى الفازلين بتاعك انك تقدرى تخليه بالريحه اللى انتى عايزاها ....يعنى انا ضفت ٣ معالق زيت زيتون ومعلقة زيت ورد وشمعه صغيرة 

واااو ريحة جنان وترطيب مثالى لليدين والقدمين وهتلاقيه اوفر بكتير من الفازلين الطبى الجاهز


الماسكات

قالتلى احسن ماسك خصوصا للعروسه وينفع لجميع انواع البشرات هو ماسك القاطونه ودى يا بنات رخيصه اوى بتضيفى ليها شوية ماء مغلى وزيت لوز مر هتلاقيها طلعت جل كدا تدهنيه على وشك نص ساعه 

هو مشكلته بيزحلق وبيقع من الوش 

المهم انه الماسك دا يا بنات علاج مش نتيجه وقتيه وخلاص يعنى لو عروسه اعمليه قبل فرحك بشهرين على الاقل مرة كل اسبوع هو والحمام المغربى عشان تلاقى نتيجه كويسه

التعطير 

فيه حاجة اسمها دهن العود بتبقى علبه صغيرة كدا وغالية شوية

بتاخدى منه نقطه وتدهنى ورا ودانك وفى مناطق النبض فى الايد وبعدها ترشى نقطه من البرفيوم بتاعك ريحة تجنن وثابته لتانى يوم (دا على كلام تنت لانى للامانه مجربتهوش لسه )

ترشى نقطتين من دهن العود على المشط وتسرحى شعرك تعطير ثابت ايام وايام حتى وانتى بتغسليه هتطلع ريحته حتى لما تعرقى هتبقى رائحة شعرك جميله جدا 


***************************************

كدا خلاص واللى عايزة تسال عن اى حاجة تقولى وانا هسأل تنت عليها

ليست هناك تعليقات:

إرسال تعليق