تعطير الجسم بسهولة وبسرعه ومتجربه
هاقولك على فكرة تحفه انا جربتها انا واخواتى وصحباتى كلهم واجتمعنا كلنا على انها تحفه وبتدى مفعول حلو اوى
المكونات:-
هتجيب اى نوع بيبى اويل او تجيبى بيبى جونسون العبوة الصغيرة
وتروحى عند اى حد بيركب عطور وتشترى عطر خام
اى نوع عطر انتى بتحبيه
انا بحب جدا العطور الخليجيه لان ريحتها بتبقى قوية جدا
وتشترى 5 جرام زيت عطرى او زى ما يتوفر معاكى(اختيارى)
نروح على الطريقه:-
هتجيبى اى حاجه و نقصى فيها شوية من زجاجه البيبى اويل تنقصى ربع الزجاجه تقريبا
وتقومى حاطه فوق الباقى (اللى فى الزجاجه الأصليه) الزيت العطرى (او العطر)اللى انتى اشتريتيه
وتقفلى الزجاجه وترجيها كويس جداااااا
الاستخدام
تاخدى الزجاجه بتاعه الزيت المخلوط بالعطر و انتى فى الحمام بعد ما تخلصى الشاور بتاعك متنشفيش جسمك اقفى لغايه لما يتصفى خالص ويبقى رطب
وتجيبى الزيت وتحطى شويه فى ايديك وتلفى جسمك كله بالزيت وبين الثنايا وتلبسى هدومك بعدها
وممكن كمان تحطى منه على شعرك
هيخلى ريحه شعرك حلوة اوى ومش مكمكمه وتنامى وتقومى ريحته هتبقى حلوة
ومهما جسمك يعرق هيبقى ريحه عرقك حلوة
ايه رايكم بئه فى فكرتى
لو عجبتك متنسوش تدعولى حبيباتى بسعه الرزق والمباركه
منقول للافاده
ليست هناك تعليقات:
إرسال تعليق