طريقة الحمام المغربي واسراره وهم وبالتفصيل وبالصور للعرايس رهيب 2012

 طريقة عمل الحمام المغربي بالشرح والصور ...  طريقة الحمام المغربي وهم وبالتفصيل وبالصور للعرايس رهيب 2012... بالخطوات طريقة عمل الحمام المغربى للعروسهطريقة عمل الحمام المغربي شرح بالصور و خطوة بخطوة طريقة عمل الحمام المغربي شرح بالصور و خطوة بخطوة طريقة عمل الحمام المغربي شرح بالصور و خطوة بخطوة طريقة عمل الحمام المغربي بالصور 2012,حمامات مغربيه 2012،طريقة عمل الصابون المغربي طريقة عمل حمام مغربي رهيب

طريقة الحمام المغربي وهم وبالتفصيل وبالصور للعرايس رهيب 2012

المكونات اللى عايزينها للحمام المغربي:-

 1-ليفة مغربى- بتتباع في الصيدليات على شكل جوانتى ب 21 جنية وفى نوع ب 33 مفيش فرق بينهم وفى الدول الخليجية نوع من بودى شوب برضة جوانتى او قفاز برضة نفس النتيجة

وهذا موضوع عن ازاى تعرفى الليفه الاصليه من المغشوشة هنـــــا

2-الصابون المغربى السايل- بيتباع عند بعض العطارين المشهورين هو اسمه صابون مغربى سايل حبايبى

ان ملقتوش مش مشكلة كل مراكز التجميل معندهاش وشوفوا بيستخدموا اية

هاتى صابونة لوز او صابونة زيت زيتون كلهم عند العطارين وسعرهم مبيعديش 10 جنية وفى ب5 جنية المهم ابشروها في المبشرة اليدوية عارفينها بتاعة البصل بتاعة زمان المهم

بعد البشر هاتى الصابون وحطية فى حلة وعليه نص كوب ماء ورد واتركية طول الليل  الى الصبح  ثم حطية على النار شوية وقلبى لغاية الصابون ماتلاقيه زى الكريم بالضبط

3-حنة ورق- (مش ضرورية بس فيه الي بيستعملها) برضة عند اى عطار واطحنيها لغاية ماتبقى زى البودرة فى مطحنة الخلاط لو ملقتيش مطحون قولي للعطار عايزة نوع حنة سايب يكون صافى متخفيش العطارين لما بيلقوكى فاهمة بيدوكي طلبك من غير غش بس الاول اطلبى الحنة الورق الناشفة موجودة عند العطارين الكبار

4-عصير اربع ليمونات

5- واى حمام كريم 

6-كريم مرطب للجسم (انا بفضل كريم جليسوليد الاحمر الاصلى ) العلبة الصغيرة ب6 والكبيرة ب11 جنية

واعصرعليه ليمونة للصغيرة ولمونتين للكبيرة

او ممكن جلسريين شفاف من الصيدليه واعصري علية ليمونة

اوممكن بيبى جونسون اويل طبعا انا بقولكم الحاجات اللى فى متناول ايدينا وبتجيب نفس النتيجة واحسن

وصدقونى العلب المستوردة اللى فى مراكز التجميل جواها حاجات طبيعية مخلوطة بجزء من الكريم

7-حجر للقدم بيتباع عند العطارين او فى طبى فى الصيدليات اللى يريحكم يا بنات استخدموه

8- لشعرك زيت طبيعى  اى نوع بتستريحيله بس انا بفضل زيت زيتون وزيت خروع وتدفيهم على النار علشان الشعر يشربهم وكمان بونية محكم للشعر 

طريقة الحمام المغربي بالتفصيل:ـ

1- افتحى الدوش فى الحمام على الماء الساخن جدا واقفلى الابواب والشبابيك علشان البخار

وادخلى الحمام وانتظرى حتى يملوؤه البخار

2-  ثم  اعملى حمام الزيت او الكريم لشعرك والبسى البونية

وخدى بالك متخليش زيت حمام الشعر ينزل على جسمك

3-وانتظرى 10 دقايق فى البخار علشان المسام تتفتح

4-املى البانيو بالماء الساخن وانزلى فية ربع ساعة

 لو معندكيش بانيو افتحى الدوش ربع ساعة على جسمك

5-وبعدين اطلعى من البانيو وهاتى الصابون اللى عملناة السايل وحطى علية عصير الليمون والحنة البودرة اللى طحناها واخلطيهم كويس وادهنى جسمك كلة كويس بالصابون واقعدى نص ساعة

6-فى الفترة دى اعملى ماسك للوجة اى ماسك كويس بتستريحيلة

ماسك جميل جدا هنا
وفى ماسك متجرب وسهل ونتايجه هايله هو(بياض بيضة مع معلقة بن ناعم..... بتخلطيهم كويس وتحطيهم على وشك وتسبيه لحد ما يجف وبعدين تغسليه بماء فاترمن الصنبورالماسك ده لتوحيد لون البشرة وبيفتح وينفع  لاى بشره ممكن تضعه).

7- وبعد النص ساعة ادعكى الصابون من جسمك بايديكى مش بالليفة بحركة دائرية فى اتجاةالقلب يعنى لاعلى ادعكى جسمك دائريا لاعلى وبعدين انزلى تحت الدوش الساخن واغسلي الصابون

8-وبعدين بالليفة المغربى ابداى فرك الجسم جزء جزء بحركة دائرية بالضغط على البشرة ولكن بلطف برضة لاعلى فى اتجاة القلب لتنشيط حركة الدم وتدفقه ولزيادة سرعة الاكسجين فى الجسم

9-وبعدين ادخلى تانى تحت الماء الساخن واغسلى جسمك مرة تانى ونشفيه كويس وبعدين ادهنى جسمك كلة بالكريم الجليسوليد المضاف الية عصير الليمون اوالجلسرين السايل او البيبى اويل وانتظرى ربع ساعة

10-واثناء الانتظار قومى بدعك لقدم والاصابع بالحجر جيدا والجلسريين هيسعدك كويس

11- وبعد الربع ساعه  ادخلى تحت الدوش واغسلى شعرك وجسمك وياريت تغسلى شعرك بنوع شامبو خفيف زى بيبى جونسون واتركى  الشامبو ينزل على الجسم من غير استخدام الليفة وبايديكى نزلى الجلسرين الزائد على الجسم وبعدين نشفي جسمك وشعرك 

ملحوظة: وفى الاخراغتسلي بماء بارد جدا (وليس مثلج) لإغلاق المسامات المفتوحة بعد البخار.

-وشوفى النتيجة ولو استمرتى كل 15 يوم على الحمام دة هتشوفى فرق كبيييييييييييير جدا فى البشرة وتوحيد لون الجسم واختفاء البقع ويابنات استعينى  بواحدة من اخواتك او مامتك تدعكلك ضهرك بالليفة لو مش طايلة وهتشوفى الجلد الميت وهوبينزل معاكى فى الليفة ........ انا بقول ان احنا نعمل كل حاجة فى البيت لان حرام ان احنا نروح مراكز التجميل وواحدة تعملهولنا لان رؤية المراة للمراة حرام 

مصدر

 ملحوظات:
1-عند شعورك بالاختناق أوعدم قدرتك على التنفس بسهولة، اقطعي الحمام واخرجي منه .
2- امتنعي عن وضع أية كريمات أو معطرات جسم أو أي شيء بعد الحمام مباشرة خوفا من انسداد المسامات المفتوحة فيسبب التهابات أو اسوداد للمنطقة.

3-ويستحسن الحمام المغربى فى الاول ومن بعد السويت لان الجلد الميت راح ويسهل شد الشعر وممكن تعملى السويت فى الاول اللى يريحك